జెమినీ టీవీలో వన్స్ మోర్ ప్లీజ్ కార్యక్రమంలో ఓ బుడతడి మిమిక్రీ ప్రోగ్రాం. చూసి ఆనందించండి.

• అమెరికాలోని వుద్యోగుల్లో ౪౬ శాతం (46%) మంది ఆడవాళ్ళైనా, సైంటిస్టులు, ఇంజనీర్ల విషయాని కొచ్చేసరికి వారి శాతం కేవలం ౨౩ (23%) మాత్రమేనట.
• అమెరికాలో ఇన్ఫర్మేషన్ టెక్నాలజీ రంగంలో మగవారితో సమానంగా ఆడవారి సంఖ్య గనుక పెంచితే, ఐటీ లోవున్న ఖాళీలన్నీ నిండిపోతాయట.
• ౪ (4th) వ తరగతి వరకూ సైన్సూ, లెక్కల్లో ఆడపిల్లలకూ, మగపిల్లలకూ సమానమైన ఇష్టం వున్నా, ౮ (8th) వ తరగతికి వచ్చేసరికి ఆడపిల్లల్లో మగపిల్లల్లాగా సైన్సూ,లెక్కలూ చేయగలమన్న అభిప్రాయం తగ్గుముఖం పడుతుందిట.
• అంతేకాక, టీచర్లూ, తల్లిదండ్రులూ, తోటివారూ సైన్సూ, సాంకేతిక విషయాలకు దూరంగా వుండేటట్లు ప్రోత్సహిస్తారట.
• వీటికి తోడు మీడియా కూడా (ప్రచార) మహిళా శాస్త్రవేత్త్లకూ, సాంకేతిక నిపుణులకూ తక్కువ గుర్తింపునిస్తోందిట.
• ౧౯౮౪ (1984) లో ౩౭ శాతం (37%) మంది మహిళలు కంప్యూటర్ సైన్సులో పట్టా పుచ్చుకుంటే, అది ౧౯౯౯ (1999) లో౨౦ శాతం (20%) కన్నా తక్కువకు పడిపోయిందిట. కానీ తిరిగి ౨౦౦౨ (2002) లో ౩౪ శాతానికి (34%) కు పుంజుకున్నదట.
• ఓ సర్వే ప్రకారం ఐటీ రంగంలోకి ఆడవారు రావడానికి కారణం అందరూ అనుకునేట్టు పెద్ద శాలరీ పాకేజీలు కాదట, మగవారితో సమానంగా పోటీపడి ఛాలెంజింగ్, మరియూ రిస్కీ జాబులు చెయ్యగలమని నిరూపించుకొనేందుకట.
• ౨౦౧౦ (2010) కల్లా టెక్నాలజీ సపోర్ట్ వుద్యోగాల్లో మహిళల శాతం ౯౭ (97%) కు పెరగవచ్చట.
• ౨౦౦౧ (2001) లో జరిగిన సర్వే ప్రకారం ఐటీ రంగంలోని మహిళలు సంపాదించిన మొత్తం ($713) మిగిలిన అన్ని రంగాల్లోని మహిళలు సంపాదించినమొత్తం ($597)కన్నా ఎక్కువట. (బ్రాకెట్లోనివి సగటు విలువలు)
• ౨౦౦౧ (2001) జనాభా గణాంకాల ప్రకారం వుద్యోగం సంపాదించిన ప్రతి పది మంది ఇంజనీరుల్లో ఒకరు స్త్రీట.
• టెక్నాలజీని వాడుకొనే మహిళా పారిశ్రామికవేత్తల శాతం ౫౮ (58%) వుండగా, పురుష పారిశ్రామికవేత్తలు కేవలం ౩౫ (35%) శాతం మాత్రమే నట.

మహిళల శాతం      ౧౯౫౦(1950)     ౧౯౯౯(1999)
డాక్టర్లు               ౬.౧% (6.1%)   ౨౪.౫% (24.5%)
ఇంజనీర్లు            ౬.౧% (6.1%)   ౧౦.౬% (10.6%)
 

• ఎవరికి వారు తమ మోచేయిని నాకలేరట.
• తెలివైన వారి జుత్తులో జింక్, కాపర్‌ల శాతం ఎక్కువట.
• ఒక గంట సేపు హెడ్‌ఫోన్స్ పెట్టుకొనటం వల్ల చెవిలో బాక్టీరియా శాతం 700 రెట్లు పెరుగుతుందట.
• ప్రపంచంలో 50% మంది ఇప్పటివరకూ ఒక్క ఫోన్ కాల్ కూడా అందుకోలేదట.
• పారిస్ లోని ఈఫిల్ టవర్ బరువు 1000 ఏనుగుల కంటే ఎక్కువట.
• ప్రతి 5 సెకన్లకూ ఒక కంప్యూటర్ వైరస్ బారిన పడుతూందిట.
• ప్రపంచంలో అతి పిన్న తల్లి తండ్రులు 1910లో చైనాలో నివసించిన 8 మరియు 9 యేళ్ళ వయసు గల ఓ పిల్ల జంటట.
• ఒక నిమిషంలో క్రికెట్ (చిమ్మెట అనుకుంటా) చేసే శబ్దాల్ని 2తో భాగించి, 9 కలిపి, మళ్ళా 2తో భాగిస్తే సెలిసియస్‌లో టెంపరేచర్ వస్తుందట.
• సముద్రంలో 800 మీటర్ల కన్నా లోతున వుండే చేపలకు కళ్ళుండవట.
• ద్రాక్ష పళ్ళు మైక్రోవేవ్ వోవెన్‌లో పెడితే విస్ఫోటనం చెందుతాయట.
• ఇద్దరి మధ్య ఫైటింగ్ (డ్యుయెల్లింగ్)అనేది పెరుగ్వేలో ఆ యిద్దరూ రక్త దాతలైతే న్యాయసమ్మతమేనట.
• ఇంగ్లండులో Speaker of the House మాట్లాడకూడదట.
• ఒక్క ఆదివారం తప్ప, మిగతా రోజుల్లో యార్క్ లో స్కాట్స్‌మాన్‌ను విల్లంబులతో కొట్టటం చట్టం ప్రకారం నేరం కాదట.
• ఒక నలుచదరపు కాగితాన్ని ఏదు సార్ల కంటే ఎక్కువ ఎవరూ మధ్యకు మడవలేరట.
• ప్రతి 200వందల మందిలో ఓక్డికి సాధారణంగా కనిపించినా సైకోపాత్ లక్షణాలుంటాయట.
• అలస్కాలో ఎలుగుబంటుల్ని చంపటం నేరం కాకపోయినా, నిద్రపోతున్న ఎలుగుని లేపి ఫొటో తిసుకోవడం మాత్రం నిషిద్ధమట.
• మెక్సికో నగరం సంవత్సరానికి 10 అంగుళాలు క్రుంగిపోతోందిట.
• ఫ్రాన్స్‌లో ఐదేళ్ళ పిల్లవాడు మందు (మద్యం) కొనటం న్యాయసమ్మతమేనట.
• మీకు సీన్‌ఫెల్డ్ (Seinfeld) అనే ఆంగ్ల ధారావాహికలోని ప్రతి భాగంలోనూ ఎక్కడో ఒకసారి, ఏదో ఒకరూపంలో సూపర్‌మేన్ కనబడతాడట.
• శనగలు లేదా బఠాణీలు (Peanuts) డైనమెట్ తయారీలో ఒక ముడిపదార్థమట.
• ఒక సాధారణ మనిషి తలలోంచి రోజుకు రెండు వందల వెంట్రుకలు రాలుతాయట.
• ప్రమాదకారులుగా ముద్రపడ్డ పిచ్చివారు, మానసిక రోగుల కన్నా, తెలిసిన వారి చేతిలోనే హత్యలకు, మానభంగాలకు ఎక్కువమంది గురౌతారట.
  

1. ఇప్పటి వరకూ వర్గీకరింపబడిన జీవజాలాల్లో ఎగరగలిగే ధృవపుజింక(దుప్పి-Reindeer) లేదు. ఇంకా 300,000 జాతులు (ఎక్కువగా క్రిములు, కీటకాలే వున్నాయి) వర్గీకరింప బడలేదు కాన అందులో క్రిస్‌మస్ తాత జింక వుండే అవకాశాన్ని కొట్టిపారేయలేం.
2. ప్రపంచంలో సుమారు 2 బిలియన్ల మంది పిల్లలున్నట్లు (18 సం. లోపు) అంచనా. అందులో శాంతా ముస్లిం, హిందూ, బౌద్ధులను పట్టించుకోడు కనుక పై మొత్తంలో 15% పని భారం తగ్గుతుంది. మిగిలిన వాళ్ళలో సగటున ఒక ఇంటికి 3.5 గురు పిల్లవాళ్ళను లెక్కవేస్తే (Population Reference Bureau ప్రకారం) 91.8 మిలియన్ల ఇండ్లు లెక్కకు వస్తాయి. కనీసం ఇంటి కొక్క పిల్లవాడైన బుద్ధిమంతుడై వుండచ్చనది భావన.
3. వివిధ టైం జోన్లు, మరియు భూ భ్రమణలను పరిగణనలోకి తీసుకుంటే శాంతాకు 31 గంటల సమయం వుంటుంది తన కార్యక్రమాన్ని పూర్తి చేసుకోవడానికి. అంటే, పై చెప్పుకున్న ఇళ్ళన్నీ 31 గంటల్లో సందర్శించాలంటే శాంతా సెకనుకు 822.6 యిళ్ళు చూడాలి. అంటే సుమారుగా సెకనులో వెయ్యోవంతు సమయంలో శాంతా తన బండిని ఆపి, దిగి, పొగ్గొట్టం ద్వారా లోపలికి దూరి, తను తెచ్చిన బహుమతులను అక్క దాచి, వాళ్ళు తనకోసం వదిలిపెట్టిన పదార్ధాలను ఆరగించి, తిరిగి చిమ్నీ ద్వారా బయటకు వచ్చి, ఆపివున్న బండెక్కి తర్వాత యింటికి వెళ్ళాలి. 91.8 మిలియన్ల యిళ్ళు సమదూరంలో వున్నాయని (వుండవనుకోండి) మనలెక్క కొఱకు అనుకుంటే, ఇంటింటికీ మధ్య దూరం 0.78 మైళ్ళు, అంటే ఢెబ్భయ్యైదున్నర మిలియన్ మైళ్ళు 31 గంటల్లో తిరగాలి. దీన్ని బట్టి అర్థమయ్యేదేమిటంటే, శాంతా సెకనుకు 650 మైళ్ళ వేగంతో (ధ్వని వేగానికి 3000 రెట్లు ఎక్కువ) ప్రయాణించాలి. అత్యంత వేగం కలిగిన మానవనిర్మిత వాహనం యూలిసిస్ (Ulysis) స్పేస్ ప్రోబ్ వేగం 27.4 మైళ్ళ కాగా, సాధారణ ధృవపు జింక గంటకు 15 మైళ్ళ వేగాన్ని అందుకోగలదు.
4. ఇకపోతే శాంతా గారి బండి మీదున్న బరువు మరొక ఆసక్తి కరమైన విషయాన్ని చెపుతుంది. ఉదాహరణకు ప్రతిపిల్లవాడికి 2 ఫౌండ్ల బరువున్న లెగో బొమ్మల సెట్టు కన్నా పెద్ద బహుమతి ఇవ్వలేదనుకుంటే, తాతగారి బండి 321,300 టన్నుల బరువు మొయ్యాల్సి వుంటుంది. (బహు భారీ కాయుడుగా చెప్పుకునే తాత గారి బరువును మినహాయిస్తేనే సుమా!) సాధారణ ధృవపు జింక 300 ఫౌన్ల కన్నా ఎక్కువ బరువు మొయ్యలేదు మరి. ఒకవేళ ఎగిరే దుప్పి వుందనుకుంటే, అది ఓ పదిరెట్లు ఎక్కువ బరువు (సాధారణ మైన వాటితో పోలిస్తే) మోయగలదనుకుంటే, తాత గారికి 214,200 ఎగిరే దుప్పులు కావలసి వుంటుంది. ఇంకా బండి బరువు, మన తాతగారి బరువూ కలిపితే సుమారు 353,430 టన్నులుంటుంది. పోలిక కోసం ఈ చెప్పుకున్న బరువు క్వీన్ ఎలిజబెత్ కన్న 4 రెట్లు ఎక్కువ. (క్వీన్ ఎలిజబెత్ అంటే ఏమిటో అనుకునేరు ... ఓ పెద్ద షిప్పండీ బాబూ!!)
5. 353,430 టన్నుల లోడు సెకనుకు 650 మైళ్ళ వేగంతో ప్రయాణిస్తే అది అత్యంత తీవ్రమైన గాలి రాపిడికి గురౌతుంది. ఇది ముందున్న దుప్పులకు 14.3 క్వింటిలియన్ జౌళ్ళ శక్తిని అందజేస్తుంది.. అదీ ఒక సెకనుకు. టూకీగా చెప్పాలంటే తత్-క్షణమే పాపం దుప్పులు బూడిదకూడా మిగలనంతగా మండిపోతాయి. బండిని లాగే మొత్తం దుప్పుల గుంపు సెకనులో 4.26 వేలవ వంతులో గాల్లో కలిసిపోతాయి. ఇకపోతే మన తాత గారు తన గురుత్వాకర్షన (gravity) శక్తికి 17,500.06 రెట్లు centrifugal ఫోర్సుకు (తెలుగులో గుర్తుకు రాలేదు) లోనవుటాడు. క్రిస్‌మస్ తాత సుమారు 250 ఫౌన్ల బరువు వుంటాడనుకుంటే, 4,315,015 ఫౌన్ల ఫోర్సుతో వెనక్కి నొక్కి వేయబడతాదు.

అమరజీవి పొట్టి శ్రీరాములు గారి గురించి కొన్ని విషయాలు ...

• ప్రపంచంలోని 225మంది అత్యంత ధనికుల (అందులో 60 మంది అమెరకన్లే)  మొత్తం ఆదాయాన్ని కలిపితే అది ఒక ట్రిలియన్ డాలర్ల కన్నా పైచిలుకే. ఇది ప్రపంచ జనాభాలో 47% బీదల సంవత్సరాదాయానికి సమానం. 
• అమెరికన్లు సంవత్సరానికి 260 పౌండ్ల మాంసాన్ని వాడతారు. అదే బంగ్లాదేశ్ లో ఆరున్నర పౌండ్లేనట.
• ఐరోపియన్లు ఐస్ క్రీమ్, తత్సంబంధిత పదార్థాల మీద 11 బిలియన్ల డాలర్లు ఖర్చు చేస్తున్నారు. ఇది ప్రపంచ జనాభాకు ఒక సంవత్సరం వరకూ మంచి నీటి సరఫరా, పారిశుద్ధ్య సౌకర్యమూ కల్పిచడానికయ్యే దానికన్నా 2 బిలియన్ల డాలర్లు ఎక్కువ.
• 48 తక్కువ అభివృద్ధి చెందిన దేశాల మొత్తం ఉత్పాదకత కన్నా, మొదటి ముగ్గురి ధనవంతుల ఆస్తుల మొత్తమే ఎక్కువ.
• అమెరికన్లు సంవత్సరానికి 8 బిలియన్ డాలర్లు సౌందర్య సాధనాలపై ఖర్చ చేస్తున్నారు.ఇది ప్రపంచం మొత్తానికీ సాధారణ అక్షరాస్యతకు అవసరం అయ్యేదానికన్నా 2 బిలియన్ డాలర్లెక్కువ.
• అభివృద్ధి చెందుతున్న దేశాల్లోని 4.4 బిలియన్ల జనాభాలో, 
• ఐదులో మూడవ వంతు మందికి కనీస పారిశుద్ధ్య సౌకర్యం లేదు. 
• మూడవ వంతు మందికి మంచినీటి సౌకర్యమే లేదు. 
• నాల్గవ వంతు మందికి నివాసం లేదు. 
• ఐదవ వంతు మందికి మంచి ఆరోగ్య సౌకర్యం లేదు.
• ప్రతి వెయ్యిమందికీ స్వీడన్ లో 681 టెలిఫోన్ లైన్లూ, అమెరికాలో 626 వుంటే, ఆఫ్ఘనిస్థాన్, కంబోడియా, ఛాడ్, కాంగో వంటి దేశాల్లో ఒక్కటి మాత్రమే వుంది.
• అంచనాల ప్రకారం ప్రపంచంలోని అందరికీ కనీస చదువు, కనీస ఆరోగ్యం, సరిపడా ఆహారం, ఆడవారికి సరైన ఆరోగ్యం, మంచినీటి సరపరా, పారిశుద్ధ్య వసతులూ కల్పించడానికి సుమారు 40 బిలియన్ డాలర్లు సంవత్నరానికి అవసరం అవుతుంది. ఇది ప్రపంచం లోని 225 మంది ధనవంతుల సంపదలో 4% కన్నా తక్కువ.

మనం ఫార్వర్డ్ స్లాష్(Forward-slash) అని పిలుచుకొనే "/" సింబల్ పేరు స్లాష్ (Slash) మాత్రమే. బాక్‌స్లాష్ (Backslash) గా "\" సింబల్‌ను పిలుస్తాము. ఫార్వర్డ్ స్లాష్ అనేది లేదు. కొందరు ఈ గొడవంతా ఎందుకని స్ట్రోక్ (Stroke) అనీ అంటారు.

మనం అప్పుడప్పుడూ వాడే PIN numberలోని PINను విశదీకరిస్తే ఏమవుతుందో తెలుసా ... Personal Identification Number number

అలాగే, AC current అంటే Alternate Current current అని వస్తుంది. DC current అంటే Direct Current current అని వస్తుంది.

ఇలాంటివి ఇంకా చాలా వున్నాయి. మీకేమైనా తెలిస్తే తెలియజేయ గలరు.

జూలై 28 - వీవెన్

PAN number - Permanent Account Number number

మా టీవీ లో ప్రతి ఆదివారం ఉదయం 10:30 కు 'గుర్తుకొస్తున్నాయి' అనే కార్యక్రమం ప్రసారం అవుతోంది. అప్పుడప్పుడు సినిమాల కోసం, పాటల కోసం టీవీ పెట్టే నేను ఈ రోజెందుకో ఛానల్స్ స్కాన్ చేస్తూండగా మా టీవీ లో ఈ కార్యక్రమం చూట్టం జరిగింది. క్లుప్తంగా కార్యక్రమం ఏమిటంటే సమాజంలోని అలనాటి (మరచిపోయిన)లబ్దప్రతిష్ఠులను పిలిచి వాళ్ళ మధురస్మృతులను మనతో పంచుకొనే కార్యక్రమం. నిజంగానే బాగుంది. చాలా టీవీల్లో చూసే ఇంటర్వ్యూల్లోలాగా కాకుండా ఇందులోని ఏంకర్ /ఇంటర్వ్యూయర్ రఘు కుంచే పిలిచిన వాళ్ళచేతే ఎక్కువ సేపు మాట్లాడించాడు.మొదట పొడి పొడిగా మొదలైనా కొద్ది సేపట్లో వాళ్ళు తమ మనసు పొరల్లోకి వెళ్ళి ఎన్నో సంగతులు చెప్పారు.

ఈ రోజు బి.వసంత గారితో 'గుర్తుకొస్తున్నాయి'. వాగ్ధానం చిత్రంతో గాయనీమణిగా ప్రవేశం చేసిన వసంత గారు ఎన్నో విషయాలు చెప్పారు. తన మొదటి పాటలు, తోటి గాయకుల విశేషాలు, తను పనిచేసిన సంగీతదర్శకులు తో అనుభవాలు ఎన్నో గుర్తు తెచ్చుకున్నారు. అంతేకాదు, ఆవిడ సంగీత దర్శకత్వం వహించిన ఒక కన్నడ, ఒక తెలుగు చిత్రాల గురించీ చెప్పారు. సుమారు 3000 పాటలు పాడిన ఆవిడ, వాటితో పాటు ఇంకా పదును తగ్గని ఆవిడ కంఠస్వరంతో ఆపాత మధురాలనీ వినిపించారు.

ఆసక్తి వున్నవాళ్ళు చూడండి. వచ్చేవారం ఒకప్పటి సూపర్ హీరోయిన్ 'కృష్ణవేణి' గారితో కార్యక్రమం. కృష్ణవేణిగారి గురించి ఓ రెండు ముక్కలు. అక్కినేని 'కీలుగుఱ్ఱం' సినిమాలో హీరోయిన్ ఈవిడ. రామారావు గారి మొదటి సినిమా 'మనదేశం' కు నిర్మాత ఈవిడే. ఇంకా ఎన్నో విషయాలు ఆవిడా నోటిద్వారా తెలుసుకోవాలంటే వచ్చే ఆదివారం 10:30 కు మాటీవీ చూడండి.

(ఇది మాటీవీ వారికి సంబంధించిన ప్రకటన మాత్రం కాదు)

• 1958లో ఫ్రాన్స్ కు చెందిన Just Fantain 13 గోల్స్ చేశాడు.
• 1954లో హంగరీ కు చెందిన Sandor Kocsis 11 గోల్స్ చేశాడు.
• 1970లో ఫ్రాన్స్-జెర్మనీ కు చెందిన Gerd Muller 10 గోల్స్ చేశాడు.
• 1966లో పోర్చుగల్ కు చెందిన Eusebio, 1950లో బ్రెజిల్‌కు చెందిన Ademir 9 గోల్స్ చేశారు.
• 1930లో అర్జెంటీనాకు చెందిన Guillermo Stabile, 1938లో బ్రెజిల్‌కు చెందిన Leonidas, 2002లో బ్రెజిల్ కు చెందిన Ronaldo 8 గోల్స్ చేశారు.
• 1974లో పోలాండ్ కు చెందిన Grzegorz Lato 7 గోల్స్ చేశాడు.

మిగిలిన సంవత్సరాలలో హైయ్యెస్ట్ గోల్స్ ఆరు, అంతకన్నా లోపే.

• 1982 - Paolo Rossi (ఇటలీ) - 6 గోల్స్
• 1986 - Gary Lineker (ఇంగ్లాండ్) - 6 గోల్స్
• 1990 - Salvatore Schillaci (ఇటలీ) - 6 గోల్స్
• 1994 - Hristo Stoichkov (బల్గేరియా) - 6 గోల్స్
• 1994 - Oleg Salenko (రష్యా) - 6 గోల్స్
• 1998 - Davor SUKER (క్రొయేషియా) - 6 గోల్స్
• 2002 - Ronaldo (బ్రెజిల్) - 8 గోల్స్

ఇటీవల ఎలుకలమీద జరిగన పరిశోధనలో అతి ఆరోగ్యకర వాతావరణం (overly hygenic environment) అలెర్జీలకు, వ్యాధినిరోధకశక్తి తగ్గడానికి దారితీస్తుందన్న విషయం వెలుగులోకొచ్చింది.

మామూలు ఎలుకలు, ప్రయోగశాలలో వున్న ఎలుకల రక్తాన్ని పరిశీలిస్తే తేలిన విషయమేమంటే .. (అతి)ఆరోగ్యకరమైన (ప్రయోగశాల) వాతావరణంలో పెరిగిన ఎలుకల కంటే, సహజ వాతావరణంలో పెరిగిన ఎలుకలలో వ్యాధి నిరోధక కారక ప్రోటీను సమృద్ధిగా కనిపిస్తోంది.

అమెరికాలో సుమారుగా 4-5 కోట్ల మంది రకరకాల అలెర్జీలతో బాధపడుతున్నట్లు ఒక అంచనా. ప్రాచ్య దేశాల (Eastern Countries) కంటే పాశ్చాత్య దేశాల్లోనే (Western Countries) అలెర్జీలెక్కువగా కనపడటం కొందరు శాస్త్రవేత్తలకు సందేహం కలుగజేసింది. ఫలితమే ఈ "హైజీన్ హైపోథీసిస్".

ఇందులోని విషయమేమిటంటే పంటలూ, పొలాలూ మొదలైన సహజ వాతావరణంలో పెరిగిన వారి శరీరం హానికారకం కాని మైక్రోబులు, పోలెన్‌లకూ అనుగుణంగా ట్రెయిన్ అవుతూ వస్తోంది. కానీ పాశ్చాత్య దేశాల్లోనివారు కృత్రిమమైన స్టెరైల్ వాతావరణంలో వుండటం వలన, ఇమ్యూన్ సిస్టాన్ని (వ్యాధినిరోధక వ్యవస్థ)  ప్రేరేపించే అలెర్జీన్స్‌కు  (Allergens) ఎక్స్‌పోస్‌ అవ్వటంలేదు. తద్వారా అనేక రకాలైన అలెర్జీలకు గురౌతున్నారు.

 (---News from New Scientist)

• మే 1927 న ది అకాడమీ ఆఫ్ మోషన్ పిక్చర్ ఆఫ్ ఆర్ట్స్ అండ్ సైన్సెస్ (ఆస్కార్ అవార్డ్స్) స్థాపించబడింది.
• మొదటి సంవత్సరంలో 36 మంది సభ్యులుంటే ఇప్పుడు 6000లకు పైగా గౌరవ సభ్యులున్నారు.
• 1953లో మొదటిసారిగా ఆస్కార్స్ TVలో ప్రదర్శించ బడ్డాయి.
• 2005వ సంవత్సరం వరకూ,ఆస్కార్ ఫంక్షన్ 32 సార్లు సోమవారం రాత్రి, 21 సార్లు గురువారం రాత్రి, 8 సార్లు బుధవారం రాత్రి, 6 సార్లు మంగళవారం, 2 సార్లు శుక్రవారం రాత్రి నిర్వహించబడ్డాయి.
• 1930 లో రెండు సార్లు (3-ఏప్రిల్, 5-నవంబర్) ఆస్కార్ నిర్వహించబడింది. అయితే 1933లో అసలు జరగనే లేదు.
• ఇంతవరకూ మూడు సార్లు ఆస్కార్ గెలుచుకున్న ఉత్తమ నటుడెవరూ (Best Actor) లేరు.
• కేథరీన్ హెప్‌బర్న్ (Katherine Hepburn) మత్రమే నాలుగు సార్లు ఉత్తమ నటి (Best Actress) గా ఆస్కార్ తీసుకుంది.
• లస్ట్ ఫర్ లైఫ్ (Lust for Life) చిత్రంలో పెయింటర్ పాల్ గాగిన్ (Paul Gaugin) గా నటించినందుకు ఆస్కార్ తీసుకున్న ఆంథోనీ క్విన్ (Anthony Quinn), ఆ చిత్రంలో కనిపించింది 8 నిమిషాలు మాత్రమే.
• అత్యధిక ఆస్కార్ అవార్డులు పొందిన చిత్రలు జేమ్స్ కామెరాన్ - టైటానిక్ (James Cameron - Titanic) (1999) మరియు విలియం వైలర్ - బెన్ హర్ (William Wyler - Ben Hur)(1956). ఒక్కొక్కటి 11 అవార్డులు గెల్చుకున్నాయి.
• 1935లో రచయిత డడ్లీ నికాల్స్ (Dudly Nichols), 1970 లో జార్జ్ సి.స్కాట్ - పాటన్ (George C. Scott - Pattan), 1972 లో మార్లన్ బ్రాండో - గాడ్ ఫాదర్ (Marlon Brando - God Father) ఆస్కార్‌ను తీసుకోవడానికి నిరాకరించారు.

మరిన్ని ఇంకోసారెప్పుడైన...!